"Тусгай салаа"-ны жүжигчин Б.Гэрэлчулуун 2011 оны "Шилдэг загвар өмсөгч" болов

Tweet

 "Гоёл-2011" наадмын "Шилдэг загвар өмсөгч"-өөр тодорсон загвар өмсөгч, жүжигчин Б.Гэрэлчулуун загварын ертөнцөд эд хүчээ авч буй “Шилмэл загвар” агентлагийн отгон мисс юм. Авъяаслаг бүсгүй энэ жил СУИС-ийн Кино драмын ангийг жүжигчин мэргэжлээр төгсөх бөгөөд хошин урлагийн босго өндөртэйд тооцогддог “Шинэ үе” продакшнд жүжигчнээр ажиллах нь ээ. Харин үүнээс өмнө МҮОНТВ-ийн “Тусгай салаа” олон ангит кинонд дүр бүтээсэн нь түүний хувьд багагүй том шалгуур болсон биз ээ. Уран бүтээлийн олз омгоор дүүрэн яваа Б.Гэрэлчулуун саяхан  хайр дурлалын сэдэвтэй шинэ кинонд тоглосон бөгөөд ирэх оны эхээр дэлгэцнээ гарах ажээ.