Гоо сайхны мэс засал гэдэг зүйл Монголд хамгийн ашигтай бизнесийн тоонд ордог болоод байна. Учир нь гоёж гангалахын хоббитой манай хүүхнүүд толинд хараад л таалагдахгүй бол аль нэг гоо сайхны мэс заслын эмнэлэг дээр очоод өөрийгөө өөрчлүүлэхэд амархан болж. Гэхдээ энэ нь найдваргүй, бас муу үр дагавартай гэдгийг төдийлөн тооцдоггүй. “Гоё” болсон эмэгтэйчүүдийг үр дагавартай нь сонирхуулъя гэж бодлоо.
“Киви” хамтлагийн дуучин Намуунаа. Тэрээр гоо сайхандаа ихэд анхаардаг бөгөөд өөрийнхөө хамрыг голдог байсан бололтой. Угаас мэдрэмж сайтай бүсгүй өөрийнхөө хамрыг мэс ажилбар хийлгэн зуун хувь сайхан болгожээ.
Дуучин Г.Эрдэнэтунгалаг Нийтийн дуучид дундаа сэтгэлийн хөдөлгөөн ихтэй дуучин. тэрээр хөөрхөн болохын тулд нүдэндээ давхраа хийлгэсэн нь гай болж нүд нь гэрэлд юу ч харахгүй бас тэвчихийн аргагүй өвддөг байсан. Энэ зовлонгоо тэр толгой дээгүүрээ хар хөнжил нөмрөөд таг хэвтэж өнгөрүүлдэг байв. Ээжээрээ хөтлүүлэн Энэтхэгт очиж 15 сая төгрөгний хагалгаа хийлгэж байж зовлонгоосоо ангижирсан юм. Сайхан болоход сайн тал ч бий, муу тал ч бий гэдгийг биеэрээ мэдэрсэн эмэгтэй. Гэсэн хэдий ч тэрээр хальшралгүй хамраа өндөрсгөөд авсан. Гоо сайхны тал дээр өөрийгөө бүрэн өөрчлөхийг хүсдэг тэрээр нийтийн дуучдаас хамгийн түрүүнд хагас шуугиан тарьж байсан.
Дуучин Т.Ариунаа Дуучин Ариунаа сэм сэмхэн нүүрэндээ мэс хүргэчихдэг нэгэн. Сүүлийн үед зөв хооллолтоор турж олон оддыг араасаа дагуулсан нь үнэн. Харин тэрээр Хамар, нүд, арьс, хөх гээд гоо сайхны мэс засалд орсноор дүр төрхөө өөрчилж чаджээ.
Топ Г.Уранчимэг Түүний хувьд байгалиас заяасан эрүүний хэлбэрээ засуулсан. Нэгэн үе хэвлэлээр түүнийг эрүүгээ засуулсан биш үүдэн шүд нь хэзээ мөдгүй унах нь гэсэн мэдээлэл гарсан. Юутай ч топ модель Урнаа хэлэхдээ “ солонгосын гоо сайхны эмч нар надад дүр төрхөө өөрчлөх санал тавьсан “ гэж хэлсэн байна.
Дуучин Нара Залуу дуучин Нара тэрээр пластик мэс засалд өртсөн ч түүнийгээ нуудаггүй зан нь бусдад таалагддаг. Хамар маань таалагдахгүй болохоор хэд хэдэн удаа янзлуулснаа тэр нуудаггүй. Олон мэс хүрэхээр ч тэр үү Нарагийн хамар сүүлийн үед Майкл Жексоны хамартай төстэй харагдах болсон.
УИХ-ын экс гишүүн хатагтай Б.Мөнхтуяа Хатагтай Мөнхтуяа улс төрөөс түр “амралт” авсан даруйдаа дүр төрхөндөө анхаарах болсон. Тэрээр нүдэндээ давхраа хийлгэж, хамраа өндөрсгөн, арьсаа татуулсан гээд улам л залуужиж буй.
Дуучин Т.Баясгалан Залуухан гавъяат бүсгүй маань “эмэгтэй хүн үзэсгэлэнтэй байх ёстой” гэдэг зарчмыг баримталдаг. Тиймдээ ч хамраа өндөрсгөж, урууландаа гель шахуулсан хэмээн хэвлэлүүд тодорхойлсон дуу ч бүсгүй маань хүү төрүүлээд нам жим амьдрах болсон.
Топ Э.Одгэрэл Топ хатагтай Одгэрэл аливаа юманд номер нэг байдаг шигээ энэ жагсаалтын эхэнд бас л бичигдэх нь . Тэрээр хамраа өөрчилж, хөхөө томруулсан гээд гоо сайхны хувьслыг жинхэнэ утгаар нь хэрэгжүүлсэн
Жүжигчин Г.Отгонцэцэг Драмын урлагийн сайхан бүсгүйчүүдийн нэг Г.Отгонцэцэг өөрөө хэлэхдээ “би зөвхөн давхраа хийлгэсэн” гэдэг ч түүний хувьд уруул, хамар, хөх, өгзөг, гээд чамгүй олон эрхтнээ өөрчилсөн зоригтой бүсгүй. Урлагийн хүн гоо сайхны төлөө өөрийгөө өөрчлөх нь зүй ёсны хэрэг. Харин түүний дараагийн өөрчлөлт юу байхыг таашгүй.
Дуучин Д.Энхзул Нийтийн дууны “Уянгалаг бүсгүй” Д.Энхзул тун ч залуу сэтгэлгээтэй. Хаа ч явсан инээмсэглэл тодруулж явдаг хөнгөн шингэн бүсгүй дөч гараад гоо сайхандаа онцгойлон анхаарч буй. Байнга усан сэлэлтээр хичээллэж, фитнесст явдаг бөгөөд нүдэндээ давхраа хийлгэснээс хойш өөртөө тунч сэтгэл хангалуун байдаг. Тиймдээ ч “би халуухан бүсгүй” гэж өөрийгөө тодорхойлдог.
“Камертон” хамтлагийн дуучин Эба Охидын зүрхийг эзэмдсэн “камертон”-чуудаас нүүрэндээ мэс хүргэсэн хүн бол хамгийн царайлаг нь гэгддэг Эба юм. Тэрээр 10 жилийн ойн үеэрээ Солонгосыг зорьж нүдэндээ давхраа хийлгэсэн гэдэг. Гэхдээ үүнийгээ тэрээр жигтэйхэн үгүйсгэдэг. Үнэндээ давхраа нь төрөлхийн юм шиг харагддаг ч мэдээж гоо сайхнаараа дэлхийд дээгүүр тооцогддог Солонгосчууд юу гэж л манайхан шиг бамбайлгаж, бэлцийлгэж оёх вэ дээ. Юутай ч Эбагийн давхраанд гоо сайхны хувьсал халдсан гэх юм билээ.
Эрхэм экс ерөнхий сайд М.Энхсайхан Тэрээр уг нь төрийн харчуудаас царайлгаараа дээгүүр бичигдэх ч, өөртөө тийм ч сэтгэл хангалуун байдаггүй ч юм уу нүдэндээ давхраа оюулж, зовхио татуулан өөртөө “шинэчлэлт” хийсэн гэгддэг. Юутай ч хэл яриа, зүс царайгаараа улс төрч эрчүүд дундаа гайгүй “романтик эр” тэрээр хөгширч үрчлээтэхээс үнэнхүү айдаг юм билээ.
Мисс Д.Пүрэвсүрэн Мисс Д.Пүрэвсүрэн, Г.Отгонцэцэг хоёр СУИС-ийг дүүргэснийхээ дараа жинхэнэ барууны одод шиг од болохын өвчинд автан гоо сайхны мэс засал хийлгэж өөрсдийгөө өөрчлөхийг хичээжээ. “Хувьсал” продакшны шинээр тавьсан жүжиг болгонд тоглож өөрсдийгөө драмын хэдэн хөгшин эгээ нарыг мартуулна гэж онгирдог байлаа. Жениффер шиг өгзөгтэй болох гэсэн мөрөөдөлдөө хөтлөгдөн гоо сайхны хагалгаанд орсон ч тус биш ус болов. Гэрэл жаахан бүдэгрүүлээд тайзан дээр гаргахаар л өгзөг нь цэнхэртээд, угаас аливаа зүйлд бухимдуу Цогоог “Наад бөгсөө авахуул, жүжгийн найруулга, утга санаа алдагдуулаад байна. За за, наад гэрлээ нэм” гэж орилуулдаг байсан гэнэ. Энэ мэтчилэн гэрэлтдэг бүсгүйчүүд Э.Одгэрэл, Т.Баясгалангаас эхлээд олон бий. Тэд Монголын гоо сайхны мэс заслын салбарын анхны туршилтын туулайнууд учраас жаахан дефекттэй “хөөрхөн”-үүд болцгоосон
"Факт ньюс"
