Реппэр Темон УИХ-ын сонгуульд Хэнтий аймгаас нэр дэвшихээр болжээ

Tweet

Ирэх жилийн сонгуульд нэр дэвших улс төрчид хэдийн ажлаа эхэлжээ. “Сод Монгол”-ын Ц.Анандбазар, “М-Си-Эс”-ийн захирлуудын зөвлөлийн гишүүн Л.Элдэв-Очир, Л.Энх-Амгалан, АПУ-гийн П.Батчимэг, Женко-гийн Х.Баттуул, Монфреш-ийн Т.Насанхүү, Оюуны ундраа-гийн С.Амарсайхан гээд УИХ-д хараахан орж амжаагүй байгаа бүх л бизнесменүүд ирэх сонгуульд хүч үзэх нь нэгэнт тодорхой болоод байна. Үүнтэй зэрэгцэн Монголын баячуудын хүүхдүүд, өв залгамжлагчид ч бас өөрсдийн ажлаа эхэлжээ. Тодруулбал МАН-аас Ш.Отгонбилэг агсны хүү Содбилэг Завханд, “Эрдэнэт” үйлдвэрийн Ч.Ганзоригийн хүү Б.Тэмүүлэн Архангайд, “МАК”-ийн Б.Нямтайширын хүү Номтойбаяр Дорнодод, “Их засаг”-ийн Н.Ням-Осорын хүү Учрал буюу Темон Хэнтийд тус тус нэр дэвшихээр хөөцөлдөж яваа гэнэ. О.Содбилэг Завхан аймгийн бүх анхан шатны дарга нарыг Бээжин, Шанхайд аялуулж,
Н.Номтойбаяр аймгийн удирдлагадаа хуягт бэлэглэж, Н.Учрал Хэнтий аймагт лекц уншиж, зарим сумдад хип хоп тоглолтоо үзүүлж сурталчилгаагаа эхлээд байгаа бөгөөд харин МАН-аас УИХ-д сонгогдсон гишүүд тэдэнд тун таагүй хандаж байгаа аж.

Tweet