Энэ удаагийн дугаартаа Монголын хип хоп урлагийн “акулууд” хэмээн нэрлэгдэх “Люмино” хамтлагийн дуучин MC буюу Д.Тэмүүжингийн хотоос нэлээд зайдуу орших, зуслагийн хауст зочиллоо. Түүний эл хаус дотроо халдаг шал, камен зуух, халуун хүйтэн устай учир өвөлжиж ч болдог гэнэ лээ. Энэ байшинг түүнд нэг найз нь 80 гаруй сая төгрөгөөр барьж өгсөн хэмээн ярьсан. Хоёр давхар, гаднаас нь харахад элдэв янзын гоёлгүй, цэмцгэр хийцтэй энэ байшиндаа MC-гийн гэр бүлийнхэн биднийг хүлээн авлаа.
