Кино бол кино л байдаг. Бодит амьдрал дээр цэргийн амьдрал өөр байдаг бололтой. Эх орноо хамгаалахаар явсан Ууганбаяр хал цэргүүдэд зодуулж тахир дутуу болжээ. Энэ хүү хэвтрийн байдалд орчихоод байна. А.Ууганбаяр цэрэгт явахдаа нарийн мэргэжлийн эмчийн үзлэгээр орж, ерөнхий эмч нь А.Ууганбаярыг "Эрүүл мэндийн хувьд цэргийн албанд тэнцэнэ" гэж дүгнэсэн байдаг. Энэ дүгнэлтийг үндэслэн Цэрэг, иргэний хамгаалалтын штабын дарга хурандаа Ж.Болдбаатар түүнийг эрүүл мэндийн хувьд цэргийн албанд тэнцсэн гэж үзээд цэргийн жинхэнэ алба хаалгах шийдвэр гаргажээ. Харин зодуулаад гэртээ ирснийх нь дараа эх нь үрээ эмнэлгээр авч явсан. Гэтэл тархиндаа гэмтэл авсан гэсэн дүгнэлт гарчээ. Зэвсэгт хүчний жанжин штабын мэдэлд байхдаа хал цэрэг нарын алганы амтыг үзэж, бусдын асрамжинд орсон А.Ууганбаярыг монголын төр хаячихаад байгаад эмээ нь харамсаж сууна.
