Да­лай лам сэтгүүлчидтэй уул­зах­даа "Бид ерөнхий­дөө БНХАУ-ын бүрэлдэ­хүүнд үлдэх бо­долтой бай­­на гэжээ.

Tweet

Нобелийн энх тайвны шаг­налтан Да­­­лай ла­мыг АНУ-ын Ерөнхий­лөгч Ба­рак Оба­ма хүлээн авч уулз­сан билээ. Ва­шинг­тонд бол­сон уулзал­тын үеэр тэд Түвд, Хя­тадын ха­рил­цаа­наас гад­на дайн, энх тай­ван, шашны асууд­лаар санал бодлоо со­лилцсон байна. Да­лай ламыг Аме­рикийн Ерөн­хий­лөг­чөөс гад­на Төрийн на­рийн бич­гийн дарга Хил­лари Клинтон хүлээн авч уулз­сан. Мэ­дээжийн хэ­рэг энэ нь Хя­тадын эрх баригчдыг хам­гийн ихээр бухим­дуул­­­сан. Ерөнхий­лөгч Барак Обама, Хил­лари Клинтон нарыг улс орны дотоод хэрэгт бү­дүүл­гээр оролцсон хэмээн Хя­та­дын тал буруутгаж бай­гаа.
Түү­гээр ч зогсох­гүй энэ нь Америк-Хята­дын харил­цаанд сөргөөр нө­лөө­лөх ч магадлалтай гэнэ. Буддын шашны тэр­гүү­нийг АНУ-ын төрийн тэргүүн хүлээн авч уулзах болгонд Хятадын эрх ба­риг­ч­ид эсэргүүцлээ илэр­­­хийлдэг. БНХАУ-ын до­тоод хэрэгт оролцлоо, Далай лам бол салан тусгаарлахыг уриалж,  улс орны бүрэн бүтэн байд­лыг алдагдуулах гэж бай­на хэмээн буруутгадаг.  Хятадын эрх баригчид түүнтэй холбоотой асууд­лаар мэдэгдэл хийх бүр­тээ шашны нэрийг барь­сан улстөрч хэмээдэг юм.

Энэ удаад ч Далай ламыг АНУ-д айлч­ла­хаас өмнө  БНХАУ-ын ГХЯ-ны төлөөлөгч Ба­рак Оба­мад хандан Буд­дын шаш­ны тэргүүнтэй уул­­­захгүй бай­хыг уриал­сан билээ. Гэвч АНУ-ын Ерөн­­хийлөгч үүнийг хү­лээж авсангүй.

Вашингтонд болсон уулзалт хувийн шинж ча­нартай байсан бөгөөд хаалттай болсон аж. Да­лай лам сэтгүүлчидтэй уул­зах­даа "Бид ерөнхий­дөө БНХАУ-ын бүрэлдэ­хүүнд үлдэх бо­долтой бай­­на. Түвд да­лайд гарц­гүйгээс гадна хөгжлөөрөө маш их хоц­рогдсон. Түвд хүн бүр Түвдийг хөгжүүлэх хүсэл­тэй. Эдийн засгийн үүд­нээс авч үзвэл  хөгжи­хийн тулд бид БНХАУ-ын бү­рэлдэхүүнд үлдэх хү­сэл­­тэй" гэжээ. Буддын шаш­ны тэр­гүүн АНУ-ын Ерөнхий­лөгчтэй Түвд, Хя­тадын ха­рилцаа­наас гад­на олон асууд­лаар ярилц­сан бай­­на. Барак Обамаг ч, өөрийгөө ч ма­най дэл­хий дээр амь­дарч буй зур­гаан тэрбум хүний нэг гээд  бусад хүмүүсийг хэр­хэн сайн сайхан амьд­руулах тухай ярьжээ. Өөрөөр хэл­бэл, бус­дын тухай илүү их санаа тавих юм байна.                          Энэ уулзалтыг Хя­та­дын эрх баригчид хэрхэн хү­лээж авах тухай сэт­гүүлчид Далай ла­маас асуужээ. Буддын шашны тэргүүн Бээжин үүнийг яавч таашаахгүй гэсэн. Ха­рин АНУ-ын Ерөн­хий­лөгч уул­залтад сэтгэл хан­га­луун байгаа­гаа хэл­сэн. Тэрээр хи­лийн чана­дад амьдарч буй түв­дүүд Хя­тадын эрх бариг­чид­тай хэлэлцээ хийж хэл амаа ололцоно гэж най­даж бай­­­­­­гаагаа илэрхийл­жээ. Хятадын эрх бариг­чид энэ уулзалтыг эсэр­гүүц­­сэний хариуд Ва­шинг­тон ч тайл­бар өгсөн. Хам­гийн гол нь Далай лам үүнийг улс төрийн зорилго бол­гон ашиглаагүй гэж байгаа юм. АНУ-ын Ерөнхийлөгч түү­нийг шаш­ны тэргүү­нийх нь хувьд  хүлээн ав­сан гэдгээ онцолж бай­гаа.  Тэ­гээд ч АНУ нь БНХАУ-ын газар нутгийн бүрэн бүтэн байдлыг хүн­дэтгэн үзэж, Түвдийн ав­тономит илүү их эрх мэ­дэл олгохыг дэмж­дэг. Ба­рак Обамаг Бээ­жинд айл­чил­сны да­­раа­хан Хята­дын эрх ба­риг­­­чид Далай лам­тай хэ­лэл­­цээ хийх хүсэл­тэй бай­­гаа­гаа илэр­хийл­сэн. Буд­дын шашны тэр­гүү­ний бие төлөөлөг­чид Бээ­­жинд очсон бо­ловч уул­залт үр дүнд хү­рээгүй.  Ажиглагч­дын үзэж бай­гаагаар Хя­тадын тал уг асуудалд хэ­тэрхий их сэт­гэлийн хөөр­лөөр ханд­­санаас хэд хэ­дэн удаа­гийн иймэрхүү уул­­залт ямар ч үр дүнд хү­рэлгүй өнөөдрийг хүргэ­жээ.

Tweet