Монголын рок попынхон дотроо чамгүй авьяаслаг жүжигчид мөн дуучид гэдгээ харуулаад авсан хамтлаг бол “Guys”.Анх “Тавилан” хэмээх дэлгэцийн бүтээлээр кино ертөнцөд хөл тавьж байсан тэд хамтдаа нилээд хэдэн уран бүтээл хийгээд амжсан билээ. Гэсэн ч сүүлийн үед тэд хамтарч уран бүтээл хийх нь цөөрсөн.Харин тус хамтлагийн дуучин Төгсөө хэд хэдэн дэлгэцийн бүтээлийг бие даан хийсэн.Тэгвэл тус хамтлагийн ахлагч Д.Лхагваа яаж дутахав хэмээн “Амьдралын төсөл” нэртэй уран сайхны киног хийж байгаа ажээ. Энэхүү кинонд 25-30 насны залуусын өмнө тулгардаг хүндрэлүүд түүнийг хэрхэн даван туулж амьдралаа босгохоор тэмцэж байгаа тухай олон сургамжтай зүйлийг өгүүлэх ажээ.
